فصل الألوان
مبدأ العاملين بـمجال الجرافيك عرفينه
كويس...
في الطباعة هي كلمة دارجة لا تحتاج لشرح ...
الحقيقة ..إنها ليست فقط مبدأ للطباعة....
انما مبدأ للحياه...
فصل الألوان يا سادة,, هي عملية عمل قنوات للألوان الاساسية دون مزج...
بمعنى …
إن الأخضر الذي تراه... سواء أحببته أو لأ...
مش موجود ..
مش موجود ..
اصلا مفيش حاجة اسمها اخضر,,,
بل هو مزج مابين لونين اساسيين...
الأصفر والأزرق....
فصل ألوان ان تجد كل الصورة صفراء أو زرقاء أو حمراء ...
على حسب اماكن المزج
على حسب اماكن المزج
و ينتج عنهم في امتزاجهم باقي الألوان كلها ….
ليه تحكم على اللون اللي قدامك دون ان تعرف إيه هو مسببه؟
البرتقالي هو ناتج الاحمر مع الأصفر ,, ومش بس كده .. ده في مليون درجة للبرتقالي على حسب ازدياد
نسبة أحد اللونين المستخدمين....
البنفسجي نتاج الاحمر مع الأزرق... وهكذا
إزاي تحكم على شخص قدامك...
بـلون معين …
بـصفات معينة …
بموقف معين ..
اتنرفز فيه ومعجبكش … أو ساعدك وعجبك قوي … دون ان تعرف مسببات تصرفه ؟
إزاي أصلا تاخدها قاعدة عامة يا صديقي إن الإنسان ده على طول برتقاني غامق أو اخضر فاتح
دون ان تعرف ليه أصلا اخضر .. وليه فاتح مش غامق أو متوسط ….
فكل شخص قد يكون احمر أو ازرق أو أصفر في كل موقف منفصل...وانت لا ترى إلا لون واحد في احدهم ...
الشخص ذاته .. قد تسمع عنه إنه جدع .. وتسمع عنه انه عصبي ومبيسمعش …
مع إن ممكن ان يكون اتجدعن مع حد مقدرهوش فـ شفته وهو عصبي معاه .. كرد فعل ..
ولكنك أخدت عنه موقف .. وفكرة ليست بالصحيحة …
ححكلم موقف صغير … غريب …
كنا نعمل على معرض ميداني ..في الشارع .. لدعم أطفال الشوارع...
وغارقي العبارات … مر عليَّ طفل وقد انتزع صورة منهم ..
سألته ..خدتها إزاي ؟
قال لي اشترتها ..
سألته من مين ؟
فشددها
وجرى ..
أخذناها منه خوفا من ان يستخدمها استخداما خاطئ...
وللاسف هناك من اهانه ونهره …
ولكن في اليوم الذي تلاه …
قال احدهم لي .. بـتلقائية رغم عدم معرفته بما حدث …
جالنا طفل وقف مع صاحبه قدام الصور …
ضحك وقالوا ده احنا !
اقنعه ممن حوله بخطورة التدخين ..
ولإثبات الجدية ..أعطاهم الولاعة,,,
فعطوه الصورة ليحتفظ بيها ..
فعلا اشتراها !
ولكن لم نفصل الألوان جيدا …
لماذا تحكم على احدهم ؟ وأنت أصلا لا تعلم مادفعه للتصرف ده ؟
فصل الألوان نعمة...
قد لا يستخدمها كثير من الانانيين … أو لضييق معرفتها...
بس اديك عرفت عزيزي القارئ,,,
ومدام عرفت ,,, فإلزم …
فلم يعد امامك سوى الاكتشاف …
وصدقني .. اكتشفات ممتعة …
متعة التحليل .. سواء النفسي للأشخاص أو مواقفهم...
أنا ترى وراء الاحداث …
كقوة خارقة للطبيعة … ترى ماتصده جبهة متصلبة قد تغطي ضعفا أو جرحا …
أو لين وراؤه خبث ومصلحة قد تودي بـحياتك يوما ما...
اتعلم الطباعة ,, فلن تجد اسطانبة تستخدمها …
وستقوم بالطباعة إما يدويا أو على بلوتر فردي …
فكل حالة تختلف .. اينعم هي طباعة مكلفة ..
بس حتكون مميز بيها ..
وتدخر منها الكثير ;)
يمكن تكون صاحب اكبر مطبعة في التاريخ …
مين عارف …
