احيانا كتير بتقف امام
بوابة الحياه ,مش عارف لو عديت ,حتلاقي ايه مستنيك...
الخوف من المجهول اللي
ورا الباب و سور المستقبل...
مش عارف اللي وراه
احسن من الي شايفه و عايشه ؟
و هل السور ده كان
ضروري عشان يحميك؟
و لا السور ده كان
غلطة عشان كدة عملوا الباب ده عشان نعدي؟
ساعات بنشغل بالنا
ببكرة لدرجة اننا مش بنستطعم النهاردة, يا اما بنتحبس في الماضي و برضه مش بنعيش
النهاردة صح..
وقوفنا في مكان ما
لمجرد الوقوف و خلاص!!!, مش حل و مش ده اللي المفروض نعمله,بس احيانا الظروف
بتجبرنا اننا نستنى في المنطقة الرمادية
دية , لحد ما الظروف توضح و نعرف ننتقل للمرحلة اللي بعدها بحلوها و مرها..
المهم.. اننا نتقل بسلاسة
من غير خوف من المستقبل او تأنيب الضمير من الماضي..
صحيح اننا مش عارفين
ايه اللي ورا البوابة بس اكيد حييجي يوم و نعيش اللي جاي بعدها, و وقتها حنعرف
اللى كانت مخبياه..
يمكن استعدادنا لحاجة
مش عارفينها مايكنش سهل,ده عادي جدا كمان,لاننا مش عارفين اللي بنستعدله ده ايه
اصلا ,حلو ولا وحش؟
بس ايماننا بربنا و
استعدادنا النفسي لتقبل اللي جاي ايان كان,و اننا نتفاءل و ميمنعش من وضع اسوء
التطورات اللي ممكن تحصل ,حيخلينا نفكر و نكون قصاد اي حاجة اقوى من لو اتفاجئنا
بيها...
يعني من الاخر نسبق
الاحداث زي ما بيقولوا....
او على الاقل نحط بذرة
لشجرة تطرح مع الوقت و على مهلها ثمار و فاكهة ينفعونا وقت الزنقة او ظل يترمى
علينا و يحمينا لو هبت عاصفة ما في المستقبل...
او في يوم ما نبني
عليها بيت من احلامنا ,و نقرب من السما و السحاب شوية..بس نكون لسة شايفين الارض
تحتنا قريبة عشان نعرف ان احلامنا تكون واقعية و متواضعة من غير ما ننفصل عن باقي
العالم او نصاب بالغرور..
مع ان وقتها متقلقش..
حتلاقي شجرة الحياه حتفوقك من اللي انت فيه و ترجعك لعقلك و حتوقع فرع على دماغك
عشان تفوق,المهم انت تقرا الرسالة صح و "ما تستهبلش" و تروح رايح في
غيبوبة...حركة مفقوسة قوي!!
ليست هناك تعليقات:
إرسال تعليق